Шуъбаи пажӯҳиши исломи муосир

Шуъба дар асоси ӯҳдадориҳои вазифавӣ ва барномаҳои илмӣ-таҳқиқотӣ анҷом додани таҳқиқоти масъалаҳои зеринро ба нақша гирифтааст:

- омӯзиши равандҳои динӣ-сиёсии ғайрисуннатии муосир дар Тоҷикистон ва таъсири он ба вазъи ҳаёти иҷтимоию сиёсӣ ва фарҳангии ҷомеа;

- дар асоси натиҷаҳои тадқиқоти сотсиологӣ муайян кардани сатҳи шуури динӣ ва мақому нақши дин дар ҳаёти иҷтимоию фарҳангӣ ва сиёсии ҷомеа;

- коркарди консепсияи исломшиносии муосир ва таҳқиқи роҳҳои баланд бардоштани маърифати динӣ ва ташаккули исломи мӯътадил;

- омӯзиши ҷанбаҳои гуногуни муносибати давлат ба дин ва иттиҳодияҳои динӣ ва муносибати фарҳангии давлати дунявӣ ба дин;

- хусусияти ифротгароӣ дар аҳком, сиёсат ва амалияи равияҳои динӣ-сиёсии ғайрисуннатӣ ва амнияти миллӣ;

- анъанаи дунявият дар фарҳанги давлатдории тоҷикон;

- суннатгароӣ ва модернизм дар исломи муосир;

- таносуби арзишҳои миллӣ ва динӣ дар ҷомеаи суннатии миллӣ ва нақши онҳо дар суботи ҷомеа ва таҳкими давлатдории миллӣ;

- нашри мақолаву асарҳои илмӣ доир ба масоили мубрами исломи муосир.