Бар сари болини беморон гузар,
З-он, ки ҳаст ин суннати хайрулбашар.
То тавонӣ ташнаро сероб кун,
Дар маҷолис хидмати асҳоб кун.
Хотири айтомро¹ дарёб низ,
То туро пайваста Ҳақ дорад азиз.
Чун шавад гирён ятиме ногаҳон,
Арши Ҳақ дар ҷунбиш ояд он замон.
Чун ятимеро касе гирён кунад,
Молик андар дӯзахаш бирён кунад.
Он, ки хандонад ятими хастаро,
Боз ёбад ҷаннати дарбастаро.
Ҳар кӣ асрорат кунад фош, ай писар,
Аз чунон кас дур мебош, ай писар.