Бойгонии матолиб

Яке аз шоистатарин амале, ки ҳар як инсон бояд ба он аҳамияти ҷиддӣ диҳад, ҳуқуқи падару модарро эҳтиром кардан ва пос доштан аст. Дини мубини Ислом мақому манзалати падару модарро бузург арзёбӣ менамояд, ки чунин таълимот дар дигар маъхазҳо назире надорад. Ин мартабаи азим баъд аз имон ба Худо ва тоату ибодати зоти ягонааш мебошад. Дар Қуръони карим оёти зиёде вуҷуд дорад, ки эҳтироми волидонро дар баробари ибодати Парвардигор дар як радиф қарор медиҳад.