Дуздида чун ҷон меравӣ, андар миёни ҷони ман,
Сарви хиромони манӣ, эй равнақи бӯстони ман.
Чун меравӣ бе ман марав, эй ҷони ҷон бе тан марав,
В-аз чашми ман берун машав, эй шӯълаи тобони ман.
Ҳафт осмонро бардорам, в-аз ҳафт дарё бигзарам,
Чун дилбарона бингарӣ дар ҷони саргардони ман.
То омадӣ андар барам шуд, куфру имон чокарам,
Эй дидани ту дини ман, в- эй рӯи ту имони ман.
Бепову сар кардӣ маро, бе хобу хӯр кардӣ маро,
Сармасту хандон андаро, эй Юсуфи Канъони ман.
