Суханони пурҳикмати Пешвои миллат вобаста ба шароити мураккабу пуртазоди имрӯза: «Муборизаи самарабахш алайҳи терроризму ифротгаройӣ ва тундгаройии хушунатангез ба ҳеҷ ваҷҳ сиёсати «меъёрҳои дугона»-ро намепазирад» ва «Террорист — террорист аст ва ӯ ҳеҷ гоҳ «худӣ» ё «бегона» ва ё «таҳаммулгарову» «тундгаро» буда наметавонад».
Дар шароити мураккабу печида ва пуртазоди имрӯзаи ҷаҳони муосир Пешвои миллат ҳамкориро санги асос медонад, на рақобат ва бартариҷӯйиро. Пешвои миллат мегӯяд : «Дар шароити мураккабу пуртазоди имрӯза мо бояд ҳамкорӣ кунем, на рақобату бартариҷӯйӣ».

Роҳбарият ва ҳайати кормандони Маркази исломшиносӣ дар Президенти Ҷумҳурии Тоҷикистон ба мардуми кишвари барои мо дӯсту бародар ва яке аз шарикони асосии стратегии Ҷумҳурии Тоҷикистон - Федератсияи Россия бинобар ҳамлаи террористии шаби 22-юми марти соли 2024 дар маҷмааи консертии “Крокус Сити Холл”-и Маскав, ки боиси ҳалокату захмӣ шудани садҳо нафар сокинони ин кишвар гардид, ҳамдардии амиқ баён менамояд.

Мо ин амали террористиро қотеъона маҳкум менамоем.

Гурӯҳҳои ифротиву террористӣ дар минтақаҳои мухталифи олам хушунат ва задухӯрдҳои хунини мазҳабиву этникиро барангехта, боиси афзоиши исломситезӣ ва пайдоиши бадбинии мусулмонон шудаанд.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон
муҳтарам Эмомалӣ Раҳмон

Аз ХМ Президенти ҶТ

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия муҳтарам Владимир Путин суҳбати телефонӣ анҷом доданд.

Дар рафти суҳбат Пешвои миллат кирдори террористии золимонаи хунинро дар маҷмаи «Крокус Сити Холл» қатъиян маҳкум карда, таъкид карданд, ки “террористон на миллат доранду на ватан ва на эътиқод”.

Президенти Тоҷикистон, бо таманниёти шифои оҷил ба осебдидагон, таъзияи амиқ ва ҳамдардӣ барои аъзои оила ва наздикони фавтидагон бар асари фоҷеаи даҳшатангез иброз намуданд.